புதுச்சேரியில் ரங்கசாமி ஆதரவோடு வன்னியர் சங்கம் ''பந்த்''....!

               நேற்று 03.05.2013 அன்று புதுச்சேரியில் ''பந்த்'' நடத்தினாங்க...பந்த்ன்னா பந்த்.. அப்படியொரு பந்த்ங்க... இதுவரைக்கும் அப்படி நடந்ததேயில்லை... கடைகள் மற்றும் மார்க்கெட்டுகளும்  எல்லாம் மூடப்பட்டிருந்தன.... பெட்ரோல் பங்க்கள் கூட மூடப்பட்டிருந்தன... அரசு மற்றும் தனியார் பஸ்கள் ஓடவில்லை... பேருந்து நிலையமே வெறிச்சோடி கிடந்தது. ஆட்டோகளும் டெம்போகளும் சுத்தமா ஓடவில்லை. ஊரே நிசப்தமாக காணப்பட்டது.  போலீச்காரங்கக் கூட கண்ணுல படவேயில்லை... அந்த அளவுக்கு ''நேர்மையான'' ''ஒழுக்கமான'' பந்த்ன்னா பாத்துக்கோங்களேன்... 100 சதவீதம் வெற்றின்னு சொல்லலாம்...

           இந்த பந்த் எதற்காகன்னு தெரியுமா..? நம்ம விடுதலைப் போராட்ட வீரரு... பாட்டாளி ஏழை மக்களுக்காகவே வாழ்க்கைய அர்ப்பணிச்சவரு... தவறான முறையில சொத்து சேர்க்காதவரு... நேர்மையான முறையில மருத்துவ பட்டம் பெற்றவரு... இப்படியே... அண்ணன் நல்லவரு... பெண்டு எடுக்கிறதுல வல்லவருன்னு... நெறைய அடுக்கிக்கிட்டே போகலாம்.... அவர்தானுங்க.. உலக மகா யோக்கியரு.... இராமதாசு... இவரு சென்ற சித்திரா பவுர்ணமியன்று மகாபலிபுரம் கடற்கரையில உப்பு காய்ச்ச போனாருங்க... போன இடத்துல தலித் மக்களை காய்ச்சி காய்ச்சின்னு காய்ச்சிட்டாருங்க... இதுல வேற தைரியமிருந்தா தமிழக அரசு கைது பண்ணிப் பாக்கட்டுமே...என்று சவால்  வேற விட்டிருக்காருங்க... அவ்வளவு தான் அம்மா அய்யாவை புடிச்சி உள்ள வெச்சிட்டாங்க... இப்ப ஜெயில்ல இருக்கிற டாக்டர் அய்யாவுக்கே இன்னொரு டாக்டரு மருத்துவம் பார்க்கிற மாதிரி ஆகிப்போச்சிங்க....

         இது நடந்ததோ தமிழ்நாட்டுல... ஆனா அவரது ''தொண்டர் அடிபொடிகள்'' நேற்று புதுச்சேரியில மட்டும் ''பந்த்'' நடத்தினாங்க.... இந்த பந்த்க்கு தான் இவ்வளவு புதுச்சேரியில என்ன வரவேற்பு... எதுவுமே செயல்படாம புதுச்சேரியே ஸ்தம்பித்து போயிட்டது... ஆனால் இதெல்லாம் ஏதோ பொது மக்களே தானாக கொடுத்த ஆதரவு இல்லை... இராமதாசின் ''தொண்டர் அடிபோடிகளின்'' அடாவடித்தனத்திற்கும், ரவுடித்தனத்திற்கும் பயந்து தான் இப்படி செய்தார்கள் என்பது எல்லோருக்கும் தெரியும்...

           இதுல இன்னொரு உண்மையும் இருக்கிறது.... இந்த அளவுக்கு ஒரு பந்த் வெற்றிபெற்றிருக்கிறது என்றால், அதற்கு ஆட்சியாளர்களின் ஆதரவில்லாமல் வெற்றி பெறாது என்பதையும் மக்கள் தெரிந்து தான் வைத்திருக்கிறார்கள்.  இந்த முழு வெற்றிக்கும் புதுச்சேரி முதலமைச்சர் ரங்கசாமி காட்டிய ''ஜாதிய பாசம்'' தான் காரணம் என்பதையும் மக்கள் புரிந்து தான் வைத்திருக்கிறார்கள்...

பழிக்குப் பழி என்பது இரு நாட்டு உறவுகளையும் பாதிக்கும்....!

செங்கொடி உயர்த்தி சோசலிசம் போற்றுவோம்...!

உண்மையான - வலிமையான இராணுவம் என்பது
தொழிற்சாலைகளிலும் ஆலைகளிலும் வேலை செய்யும்
தொழிலாளர்களும், கிராமங்களில் உழைக்கும்
விவசாயிகளும் மட்டும் தான். உலகை உருவாக்கும்
உழைப்பாளி மக்களை உயர்த்துவோம்.
செங்கொடி உயர்த்தி சோசலிசம் போற்றுவோம்...!
உலகத் தொழிலாளர்கள் அனைவருக்கும்
புரட்சிகர மே தின நல்வாழ்த்துகள்....!
இன்குலாப் ஜிந்தாபாத்...!

குழந்தைகளின் சவக்குழிகளாய் மாறும் ஆழ் குழாய் கிணறுகள்!

           

நாட்டின் பலப் பகுதிகளில் கேட்பாரற்று திறந்து வைக்கப்பட்ட ஆழ் குழாய் கிணற்றுக் குழிகளில் தொடர்ந்து பல குழந்தைகள் விழுந்து உயிரிழந்து வந்ததைக் கண்ட உச்சநீதிமன்றம் 2009 - ஆம் ஆண்டு  இந்த விவகாரத்தை தானாகவே முன்வந்து விசாரணைக்கு எடுத்துக்கொண்டது. இதையடுத்து அந்த ஆண்டிலிருந்து வழிகாட்டு விதிமுறைகளையும் உச்சநீதிமன்றம் வரையறுத்தது. இதனை அனைத்து மாநில அரசுகள், அரசு அதிகாரிகள் கட்டாயம் பின்பற்ற வேண்டும் என எழுத்துப்பூர்வமான சுற்றறிக்கைகளாக அனுப்பப்பட்டன. ஆனால், அவை பின்பற்றப்படுவதில்லை என்பதையே அண்மைக்கால சம்பவங்கள் வெளிப்படுத்துகின்றன.

உச்சநீதிமன்றத்தின் வழிகாட்டு விதிமுறைகள் :

1. ஒரு ஆழ்குழாய் கிணறு தோண்டப்படுவதற்கு 15 நாட்களுக்கு முன் மாவட்ட ஆட்சித்தலைவர் அல்லது மாவட்ட நீதிபதி, கிராம பஞ்சாயத்து அலுவலர் அல்லது பொது சுகாதாரத்துறை சார்ந்த அதிகாரிகளுக்கு எழுத்துப்பூர்வமாக தெரியப்படுத்தவேண்டும்.

2. ஆழ்குழாய் கிணறு தோண்டும் நிறுவனங்கள் தங்களைப் பற்றி மாவட்ட நிர்வாகத்திடம் முறையாக பதிவு செய்து அனுமதிபெற்றிருக்க வேண்டும்.

3. ஆழ்குழாய் கிணறு தோண்டப்படும் இடத்தில் கிணறு தோண்டும் நிறுவனத்தின் விவரங்கள் அடங்கிய அறிவிப்பு பலகை நிறுவவேண்டும்.

4. ஆழ்குழாய் கிணற்றைச் சுற்றி பாதுகப்பான கம்பி வேலி அமைக்கப்படவேண்டும் அல்லது நிலமட்டத்தில் இருந்து 0.30 மீட்டர் உயரத்திற்கு கான்க்ரீட் அரண் கட்டப்படவேண்டும்.

5. ஆழ்குழாய் கிணற்று பம்பு பழுதடைந்தால், குழாயின் துளை மூடப்படவேண்டும். மேலும் கைவிடப்பட்ட ஆழ்துளைக் கிணற்றை களிமண், மணல், கூழாங்கற்களை கொண்டு முறையாக மூடவேண்டும்.

6. ஆழ்குழாய் கிணற்றை கண்காணிக்கவும், ஆய்வு செய்யவும் மாவட்ட ஆட்சியருக்கு அதிகாரம் வழங்கப்படவேண்டும். மத்திய மற்றும் மாநில அரசுகள் நேரடியாகவோ அல்லது தமது அதிகாரிகள் மூலமாகவோ அல்லது அங்கீகரிக்கப்பட்ட நிறுவனங்கள் வாயிலாகவோ ஆழ்குழாய் கிணறுகளை அடிக்கடி கண்காணித்து ஆய்வு செய்ய வேண்டும்.

           இந்த வழிகாட்டுதல்களை உண்மையான அக்கறையுடன் பின்பற்றினாலே ஆழ்குழாய் கிணற்று விபத்துக்களை தவிர்ப்பது மட்டுமல்ல அநியாயமான குழந்தை இறப்புகளையும் தவிர்க்கலாம்.

பிரதமர் ஆசையில் ஒட்டுரிமையே இல்லாத சாமியார்களின் ஆதரவைத் தேடும் நரேந்திர மோடி....!

          பாரதீய ஜனதாக் கட்சியின் தலைமை முடிவெடுப்பதற்கு  முன்பே தனக்குத் தானே ராஜாவாக முடி சூடிக்கொண்டு, மதவெறியோடு பதவி பைத்தியமும் பிடித்து அலைகிறார் நரேந்திர மோடி. போகிறப் போக்கைப் பார்த்தால் இன்னும் கொஞ்ச நாளுல சட்டையை பிய்த்துக் கொண்டு அலைவார் போலிருக்கிறது. பிரதமராக வேண்டும் என்ற ஆசையில யாருகிட்ட போய் ஓட்டுக் கேட்கிறதுன்னு கூட தெரியாம அலைகிறார் என்றால் பார்த்துக்கொள்ளுங்களேன். இவரு சட்டைய பிய்த்துக்கொண்டு அலையறதுக்கு ரொம்ப நாள் ஆகாது.

         நீங்க கவனிச்சிங்களா...? இவரு பிரதமர் ஆகணும்னா யாருகிட்ட போய் ஓட்டுக் கேட்கணும்...? ஓட்டுரிமையுள்ள பொது மக்கள்கிட்ட அல்லவா போய் பேசணும்...? ஆனா இவரு யாருகிட்டத் தெரியுமா பேசுறாரு....? இந்தியாவில் ஓட்டுரிமையே இல்லாத அமெரிக்க வாழ் இந்தியர்களிடம் இங்கிருந்தபடியே வீடியோ கான்பெரென்சிங்கில் பேசுறாரு.  இந்தியாவில் ஓட்டுரிமையே இல்லாத அமெரிக்க எம். பி -க்களை இவரே காசுக் கொடுத்து செலவு பண்ணி இந்தியாவிற்கு வரவழைத்து பேசுறாரு.

        நேற்று என்ன செய்திருக்கிறார் என்றால்...? அரித்துவார் போயி அங்கிருக்கிற போலி சாமியார்களையும், பிச்சைக்காரர்களையும் கூட்டி வைத்துக்கொண்டு பேசியிருக்கிறார். இவங்களெல்லாம் யாருன்னா...? care of platform. காசி - அரித்துவார் போன்ற இடங்களில் ஓட்டுரிமை இல்லாமல் பிச்சை எடுத்து திரிந்து கொண்டிருக்கும் போலி சாமியார்கள். இவங்ககிட்ட போயி ஒட்டு கேட்டா இவரு எப்படி பிரதமராவது....? அவங்க என்ன சொல்லிட்டாங்கன்னா...? எங்ககிட்ட  ஓட்டை கேட்கத்தானே வந்தன்னு சொல்லிபுட்டு, அவங்க கையிலிருந்த ''திருவோட்டை'' கொடுத்து ''எங்க பக்கத்திலேயே உட்காரு. நீ நல்லா தான் பேசுற'' என்று சொல்லியிருக்காங்க. பின்ன என்னங்க... அவங்களெல்லாம் முன்ன பின்ன பேப்பரா படிச்சிருக்கப் போறாங்க... அவங்ககிட்டப் போயி, ''கடந்த கடந்த 12 ஆண்டுகளில் குஜராத்துல கலவரங்களே நடக்கவில்லை. அமைதியா இருக்கிறது'' என்று சொன்னா அவங்க என்ன செய்வாங்க. மோடி ரொம்ப நல்லவரு போலிருக்கிறதுன்னு அவங்ககிட்ட இருக்கிற திருவோட்டை எடுத்து அவரு கையில கொடுத்துட்டாங்க. இப்பதாங்க நீங்க பொருத்தமா இருக்கீங்கன்னு சொல்லிட்டாங்க.

        இப்படியாக நரேந்திர மோடி ஓட்டில்லாதவன் கிட்டல்லாம் ''நான் பிரதமராகனும்ன்னு'' சொல்லிக்கிட்டு அலையறாரு. போகிறப்போக்கைப் பார்த்தால் சின்னக்குழந்தைகளை எல்லாம் உட்கார வெச்சிகிட்டு பேசிகிட்டு இருப்பாரு போலிருக்கிறது. நரேந்திர மோடி கூடிய சீக்கிரம் சட்டைய பிச்சிக்கிட்டு அலையப்போறத நாம பாக்கத்தான் போகிறோம்.

மகா யோக்கியர் இராமதாஸ் அவர்களே... முதல்ல மதுவிலக்க உங்க கட்சியில அமல்படுத்துங்க...!

        

 

 

 

 

 

 

 

 

 

 

 

 

 

 

 

 

            நேற்று பாண்டிச்சேரி கிழக்கு கடற்கரைச்சாலையில் மதுக்கடைகளும் பார்களும் இராமதாஸ் கட்சியின் தொண்டர்களின் கூட்டம் தான் அலை மோதியது. இங்க எல்லாத்தையும் ஏத்திக்கினு போதையில மகாபலிபுரம் போகிற வழியில மரக்காணத்தில தலித் மக்கள் வாழும் பகுதிகளில் ரவுடித்தனம் செய்திருக்கிறார்கள். பாண்டிச்செரியிலக் கூட கிழக்கு கடற்கரைச்சாலை முழுதும் பாட்டில்களை உடைத்துப்போட்டு கூச்சலும் கும்மாளமுமாகத் தான் வாகனங்களில் திரிந்துகொண்டிருந்தார்கள்.

          அந்த மகா யோக்கியர் இராமதாஸ் முதலில் தன் கட்சி ''குண்டர்களுக்கு'' மதுவிலக்கைப் பற்றி சொல்லித்தரட்டும்.

முதல்ல இவரை மக்கள் எம்.பி ஆக்குறாங்களான்னு பார்ப்போம்....!

         சிவகங்கை சீமான் சிதம்பரம் தனக்கு பிரதமர் ஆகும் எண்ணமில்லை. அதற்கு ஆசைப்படவில்லை என்று ஒரு கூட்டத்தில் இவராகவே தன்னிச்சையாக பேசி தன்னுடைய ஆசையையும், விருப்பத்தையும் வெளிப்படுத்தியிருக்கிறார். ஆசைப்படட்டும் வேண்டாம்ன்னு சொல்லவில்லை. இவரு பிரதமரா ஆவது இருக்கட்டும். முதல்ல இவரு எம்.பி ஆவாரான்னே சந்தேகமா இருக்கு. 2009 - ஆம் ஆண்டு பாராளுமன்றத்தேர்தலிலேயே சிவகங்கை மக்கள் இவருக்கு தண்ணி காட்டிட்டாங்க. இந்த முறை சிவகங்கை என்றில்லை. ஏன் தமிழ்நாடு  மட்டுமல்ல... இந்தியாவில் எந்த மூலையில் இவர் நின்றாலும் நிச்சயம் தோற்கடிக்கப்படுவார். அதுமட்டுமல்ல மக்கள் இவரை துரத்தி துரத்தி அடிப்பார்கள். மக்களுக்கு இவரு அவ்வளவு ''நல்லது'' செய்திருக்கிறார்.